Maktab o'qituvchisidan yillik ish rеja va boshqa hujjatlarni qog'oz variantini talab qilinishi to'g'rimi?

❓Savol: Maktab o'qituvchisidan yillik ish rеjalar va boshqa hujjatlarni qog'oz variantini taxlashni talab qilinishi to'g'rimi?
❗️Javob: Sizlardan bunday hujjatlarni talab qilish mutlaqo mumkin emas!

"Umumiy o'rta ta'lim muassasalarining pedagogik mutaxassisliklari bo'yicha namunaviy yillik ish rejasini shakllantirish tartibi to'g'risidagi yo'riqnomaga qo'shimcha va o'zgartirishlar kiritish haqida"gi qaror Adliya vazirligida davlat ro'yxatidan o'tkazildi. (3058-II-son, 29.06.2020 y.)

☝️Mazkur qarorga muvofiq "Umumiy o'rta ta'lim muassasalarining pedagogik mutaxassisliklari bo'yicha namunaviy yillik ish rejasini shakllantirish tartibi to'g'risida"gi yo'riqnomaga o'zgartirish kiritildi. O'zgarishga ko'ra yo'riqnomaning 15-bandi uchinchi xatboshi "umumiy o'rta ta'lim muassasalari pedagog xodimlari tomonidan sinf jurnali «(bosma yoki elektron)» hujjat yuritiladi" deb o'zgartirildi.

Avvalgi tahrirda:
•  Yillik taqvim-mavzuiy reja;
•  Kundalik dars ishlanmalari (konspekt) daftari ham bor edi.

✅ Yuqoridagi qarorga ko'ra mazkur bandlar yo'riqnomadan chiqarib tashlandi.
✅ Shunday ekan, sizlardan faqat sinf jurnalini (elektron shaklda) yuritishni talab qilish mumkin.

©️yurist_hizmati