G. Grinning Yuvosh Amerikalik (The Quiet American) asarida qo'llanilgan leksik - sintaktik badiiy san'atlar

G.Grinning Yuvosh Amerikalik(The Quiet American) asarida qo'llanilgan leksik- sintaktik badiiy san'atlar. MUNDARIJA: Kirish Ishning umumiy tavsifi… Asosiy qism I bob. G.Grinning XX asr ingliz adabiyotida tutgan o'rni 1.1. G.Grin - mahoratli va o'tkir qalam sohibi 1.2. Yuvosh Amerikalik romanining yaratilishi va unda ilgari surilgan g'oyalar II bob. Yuvosh Amerikalik asarida leksik-sintaktik stilistik usullarni qo'llashda muallif mahorati 2.1. Leksik-sintaktik stilistik usullar, ularning turlari va o'ziga xos xususiyatlari 2.2. G.Grinning Yuvosh Amerikalik romanida ishlatilgan leksik-sintaktik badiiy san'atlar tahlili Xulosa Foydalanilgan adabiyotlar ro'yxati Kirish Malakaviy bitiruv ishimiz Grem Grinning The Quiet American asarida qo'llanilgan leksik-sintaktik badiiy san'atlar mavzusiga qaratilgan bo'lib, unda The Quiet American va Meli Normatov tomonidan tarjima qilingan Yuvosh amerikalik asarida leksik-sintaktik badiiy san'atlar qiyosan tahlil qilinadi. Malakaviy bitiruv ishimiz Kirish, ikki bobdan iborat bo'lgan Asosiy qism, hamda Xulosa qismlaridan iborat bo'lib, boblar quyidagicha nomlangan: I bob. G.Grinning XX asr ingliz adabiyotida tutgan o'rni. II bob. Yuvosh amerikalik asarida leksik-sintaktik stilistik usullarni qo'llashda muallif mahorati. Mavzuning dolzarbligi. O'zbekiston mustaqilligi iqtisodiy, siyosiy va ijtimoiy sohalar bilan bir qatorda fan ta'lim sohasida ham o'z ta'sirini ko'rsatmoqda. Hayotdagi barcha tarmoqlar singari fan va ta'lim tarmog'I ham muhim ahamiyatga ega bo'lib sanaladi. Fan tizimida mavjud bo'lgan barcha yo'nalishlar singari adabiyotshunoslik sohasi ham hozirgi davrda rivojlanib bormoqda. Mustaqillikdan oldin xalqimiz jahon adabiyotining nodir asarlarini o'qishga, o'rganishga xohish istagi bo'lsada, bunday durdona va nodir asarlardan bahramand bo'lishga imkon yo'q edi. Buyuk istiqlol yuksak ilohiy ne'mat sifatida nafaqat turmush tarzimizga, balki madaniy-ma'naviy, ilmiy-badiiy sohalarga ham o'zining sezilarli ta'sirini ko'rsatdi. Insonlarning qalbi va ongini teranlashtiruvchi, ularning sirli olamini bir-biriga ochib beruvchi eshik bu san'at va adabiyotdir. Shukronalar bo'lsinki, jannatmakon O'zbekiston bo'ylab bugun hur fikrlilik shabadasi esmoqda. Uning hayotbahsh epkini adabiyot olamiga ham sezilarli ta'sir o'tkazdi. O'zbek badiiy adabiyoti qatorida jahon adabiyotining durdona ijod namunalarinitahlil va tadqiq qilish tobora teranlashib bormoqda. Inson jamiyatda yashaydi. Jamiyat deganda, odamlarning birlashib yashashi, ishlashi, o'zaro turli-tuman aloqa va munosabatlarda bo'lishini tushunamiz. Til esa, insonlar tajribasi, bilimlari natijalarini kelgusi avlodlarga etkazuvchi ko'prikdir. Tarjima adabiyoti xalqlar o'rtasidagi o'zaro madaniy aloqa va do'stlik rishtalarini mustahkamlashga, shuningdek o'zbek xalqining jahon xalqlari adabiyoti bilan yaqindan tanishishga yordam beradi. Tarjima ma'naviy ehtiyoj talabidir. Hozirgi zamon adabiyotshunosligiga nazar tashlasak, kitobxonlarimizga, bilim olishga nihoyatda chanqoq, ayniqsa zamon ilgarilab birayotgan bu davrimizda jahon mumtoz adabiyoti va hozirgi dunyo adabiyotiga bo'lgan qiziqishlar tobora oshib bormoqda. O'zbek adabiyotshunosligida xorijiy tillarni o'rganishning yangicha asoslari, uslublari jadallashib, takomillashib bormoqda. Endilikda o'zbek bolalari xorij tillarining ajib dunyosiga o'zbekcha eshikdan bemalol kirib bormoqdalar. Axborot-texnologiyalar zamoni bo'lgan bu asrimizda o'zbek ...