Bir urug' pallali o'simliklar sinfi. Lolanamolar, solabnamolar, xilolnamolar qabilasi

Bir urug' pallali o'simliklar sinfi. Lolanamolar qabilasi. Solabnamolar qabilasi. Xilolnamolar qabilasi. Bir pallalilardan juda ko'pining urug'ida faqat bitta urug'palla bo'ladi, ularning asosiy ildizi erta nobud bo'ladi va qo'shimcha ildiz sistemasi rivojlanadi. Barglari asosan parallel, ba'zan to'rsimon tomirlangan bo'ladi. Tutash naysimon bog'lamlari tarqoq joylashadi. Bir pallali o'simliklardan ko'pining guli uch a'zoli va besh doiralidir. Bularning poyasi va ildizlari eniga o'smaydi: chunki bularda kambiy bo'lmaydi. Ayrim turlarigina kambiy hisobiga emas balki tanasining periferik qismida hosil bo'lgan ikkilamchi meristema hisobiga o'sadi. Lolasimonlar-Bir urug'pallalilar- Liliopsida yoki Monocotyledonea Lolasimonlar-Liliopsida. Bu sinf vakillarining urug'pallasi bitta hisoblanadi. Sinf 6300 tur, 3100 turkum va 122 ta oila hamda 37 qabilani o'z ichiga oladi. Yer sharining deyarli hamma qismida, dasht va cho'llarda, tog'larda keng tarqalgan. Ular, asosan, o't o'simliklardir. Ba'zilari daraxtsimon (palma) o'simliklar hisoblanadi. Hasharotlar va shamol yordamida changlanadi. Dunyoning ko'pgina mamlakatlarida manzarali o'simlik sifatida o'stiriladi. Lolasimonlar 4 ta sinfchaga bo'linadi: Buldurug'o'tkabilar, triyryskabilar, lolakabilar va palmakabilar. Bulduruqo'tkabilar-Alismatidae sinfcha (ajdodcha) si Mazkur sinfcha 11 ta qabila 18 ta oila va 56 turkumga mansub 500 ta turni birlashtiradi. Ularning aksariyat qismi suv va sernam muhit bilan bog'langan. Bulduruqnamolar-Alismatales qabilasi. Bu qabilaga 2 ta oila kiradi. Buldu'ruqdoshlar Alismataceae oilasi. Bu oilaga 13 turkumga mansub, 100 ga yaqin tur kiradi. Ular suv havzalarida, botqoqliklarda o'sadigan ko'p yillik o'tlardan tashkil topgan. Barglari ildiz bo'g'zida joylashgan. Gulqo'rg'oni oddiy gultojisimon yoki murrakkab 3 ta gulkosachabarg va 3 ta gultojibargdan tashkil topgan. Changchilari odatda 6 tadan. Mevasi bir urug'li. O'zbekistonda oilaning 2 ta turkumga mansub, 4 ta turi o'sadi. Lolakabilar - Lilidae sinfcha (ajdodcha)si Lolanamolar qabilasi - Liliales. Qabila 9 ta oilani o'z ichiga oladi. Savrinjondoshlar-Melanthiaceae oilasi Savrinjondoshlar-Melanthiaceae bu oilaga 47 turkumga mansub, 400 taga yaqin tur kiradi. Ular ildizpoyali, tuganak, piyozboshli o'simliklar. To'pguli poyasining uchida joylashgan. Urug'chisi 3-(4) ta erkin. Mevasi ko'sak bo'lib, pishganda hamisha to'sig'idan chatnaydi. O'zbekistonda 2 ta turkumga mansub 3 ta turi o'sadi. Kesselring savrinjoni -Colchicum kesselringii O'zbekiston Respublikasi Qizil kitob iga kiritilgan. Savrinjon-Colchicum. Tuganak piyozboshli, barglari tasmasimon, ildiz bo'g'zidan chiqqan, Erta bahorda yoki kuzda gullovchi o't o'simlik. Uning tuganak piyozboshi parda bilan qoplangan. Guli yirik, yakka, ikki jinsli. Gulqo'rg'oni uzun naysimon, sariq, oq, pushti va gilos rangda bo'lib, tagi birikkan. Urug'chisi 6 ta, 3 tasi uzunroq. Zaharli o'simlik. Gulsafsardoshlar - Iridaceaeoilasi Gulsafsardoshlar oilasi - Iridaceae. Oilaga 70 - 80 turkumga oid 1800 tur kiradi. Asosan, ildizpoyali, tuganak - piyozboshli ko'p yillik o't, ba'zan chala buta (tropiklarda) o'simliklar hisoblanadi. Oilaning vakillari yer sharining hamma mintaqalarida uchraydi. O'zbekistonda 6 turkumga mansub 30 turi o'sadi. ...