Ekologik ekspertiza xizmatini tashkil etish va davlat ekologik ekspertizasining xulosasiga qo'yiladigan talablar

Reja: Davlat ekologik ekspertiza xizmatini tashkil etish Davlat ekologik ekspertizasi xulosasining struktura va mazmuniga qo'yiladigan talablar Ekologik ekspertiza tabiatni muhofaza qilish tizimining ajralmas tarkibiy qismi bo'lib, u aniq ravshan ekologik tadbirlar tizimini amalga oshirishda muhim rol o'ynaydi. O'zbekiston Respublikasi Prezidenti I.A.Karimov va Respublika hukumati mamlakat aholisining yashashi uchun sog'lom shart-sharoit vujudga keltirish va tabiatdan foydalanish va tabiat muhofazasi samaradorligini oshirishni davlat ekologik siyosatining ustivor yo'nalishi deb qaramoqda. Bu sohada ko'plab aniq maqsadga qaratilgan tadbirlar izchil amalga oshirilmoqda. O'tmishda tabiatga etkazilgan zararni tuzatish va atrof muhitni muhofaza qilishga qaratilgan va zamon talablariga, mamlakat manfaatlariga javob beradigan siyosatni amalga oshirish Respublikaning eng dolzarb muammolaridan biridir. Bu muammoning yechimini topishda aniq maqsadga qaratilgan, samarali va ekologik xavfsizlikni ta'minlashga yo'naltirilgan ekologik ekspertiza tizimini mustahkamlash va uning xizmatlarining samarasini oshirish muhim ahamiyatga ega. Respublikada tabiatni muhofaza qilishning shu jumladan, ekologik ekspertizaning mustahkam huquqiy asosi yaratilgan. hozirga qadar tabiatdan foydalanuvchilarning munosabatlarini tartibga soladigan hamda ekologik jihatdan xavfsiz faoliyat mezonlarini belgilaydigan 80 dan ko'proq qonunlar va shu qonunlar asosidagi hujjatlar qabul qilingan. Asosiy qonun «Ekologik ekspertiza to'g'risida»gi qonun hisoblanadi.Ular ekologik ekspertiza uchun ham huquqiy asos bo'lib xizmat qiladi. O'zbekistonda atrof muhitni muhofaza qilish bo'yicha bosh ijro etuvchi organ tabiatni muhofaza qilish davlat qo'mitasi bo'lib, u bevosita Oliy Majlisga bo'ysunadi. Davlat ekologik ekspertizasini tashkil etish va o'tkazish vakolati xam ushbu qo'mita zimmasiga yuklangan. Uning ekspertiza sohasidagi asosiy faoliyati ekologik ekspertiza tizimini tashkil etish va rivojlantirish, atrof muhitga va inson salomatligiga ta'sirni ekologik iqtisodiy baholashni amalga oshirishga qaratilgan. Davlat ekologik ekspertizasi O'zbekiston Respublikasi Tabiatni muhofaza qilish davlat qo'mitasining, Qoraqalpog'iston Respublikasi Tabiatni muhofaza qilish qo'mitasining, viloyatlar va Toshkent shahar tabiatni muhofaza qilish qo'mitalarining ixtisoslashgan ekspert bo'linmalari tomonidan o'tkaziladi. Ular birgalikda O'zbekiston Respublikasi Tabiatni muhofaza qilish davlat qo'mitasining yagona davlat ekologik ekspertizasi tizmini tashkil etadi. Davlat ekologik ekspertizasi organlari o'rtasidagi o'zaro aloqalar shartnoma asosida amalga oshiriladi. Eng muhim xalq xo'jalik muammolari yechimlari bo'yicha hujjatlar, xalq xo'jaligi rivojlanishining tarmoq sxemalari, yirik shaharlarning bosh rejalari, davlat dasturlari, yangi texnika, texnologiya, materiallar, moddalar, normativ-uslubiy hujjatlar, ekologik normativlar loyihalari, I va II kategoriyadagi eng yirik va ekologik murakkab obyektlar va komplekslarning atrof muhitga ta'sirini baholash Bosh davlat ekologik ekspertiza (Boshdavekekspertiza) ekspertlari tomonidan o'tkaziladi. Uning qaroriga muvofiq I va II kategoriyadagi obyektlar ekspertiza uchun joylarga berilishi mumkin. Ekologik normativlar loyihasi va II kategoriya obyektlari va komplekslarining atrof muhitga ta'sirini baholash bo'yicha hujjatlar ekspertizasi, shuningdek ekologik muvofiqlashtirishga taalluqli obyektlar davlat ekologik ekspertizasi tizimining mahalliy organlari tomonidan o'tkaziladi. Ushbu obyektlar Boshdavekekspertiza tomonidan ham ekspertizadan o'tkazilishi mumkin. Bosh davlat ...