Kislota ishqor muvozanatining buzilishi

Kislota ishqor muvozanatining buzilishi Foydalanilgan adabiyotlar Patologik fiziologiya. Abdullaev N.X., Karimov X.Ya. Toshkent 199. Patologicheskaya fiziologiya. Pod red. A.D.Ado, Moskva, 2001g. Patologicheskaya fiziologiya. Pod red. N.N.Zayko, Kiev.1995. Ado A.D.,Novitskiy V.V., Patologicheskaya fiziologiya, Tomsk,1994. Patofiziologiya (kurs lektsiy) pod red.P.F.Litvitskogo, M.Meditsina,1995. Ovsyannikov V.G.Patologicheskaya fiziologiya:Tipovie patologicheskie protsessi. M.Meditsina 1987. A.A.Xusinov,Ye.G.Lemeleva.Rukovodstvo k prakticheskim zanyatiyam po patologicheskoy fiziologii. I i II chast, Tashkent,1996. Reja Inson organizmida kislota ishqor muvozanatining meriy darajada saqlanishining ahamiyati Kislota ishqoriy muvozanat me'yoriy ko'rsatkichlari Kislota ishqor muvozanatini saqlashda azo va to'qimalarning ahamiyati Atsidozning sabablari, turlari va riojlanish mexanizmlari Alkalozning sabablari, turlari va riojlanish mexanizmlari Maqsad Inson organizmida kislota iiqor muvozanatini ta'minlashda organizmda har xil to'qima, azo va sistemalarning ahamiyati, ko'rsatkichlari, o'zgarishlari - atsidoz va alkalozlarning turlari haqida tushuncha hosil qilish Mashg'ulot tarkibi Nazariy qism Ichki muhitning doimiyligi - gomeostazi doimiyligi yuqori darajada rivojlangan organizmlar hayot-faoliyati uchun zarur bo'lgan shart-sharoitdir. Biologik muhitlarda doim vodorod ioni ko'proq hosil bo'lib turishiga qaramay, ularni neytrallash, vodorod va gidroqsil ionlari o'rtasidagi nisbatni bir me'yorda saqlash kislota-ishqoriy muvozanatni ta'minlashga olib keladi. Qonning rN-i nihoyatda turg'un hisoblanadi. Normada u 7,35-7,45 atrofida bo'ladi va uning har qanday sezilarli siljishi organizmning har bir integral-bir-biriga bog'liq darajasida chuqur o'zgarishlarga olib keladi. Bunda, masalan, hujayra faoliyatining o'zgarishi, gemoglobinni kislorodning biriktirish va qayta berish qobiliyatini o'zgarishi, barcha moddalar, birinchi navbatda suv-elektrolitlar almashinuvi, hujayra retseptorlari sezuvchanligi, membranalar o'tkazuvchanligi, nerv-mushak sistemasi qo'zg'aluvchanligi va impulslar o'tkazuvchanligi kabi muhim xususiyatlarning chuqur o'zgarishlariga olib keladi Agar rN 6,8 dan kamaysa yoki 7,7 dan oshib ketsa, organizmning haloqati yuz berishi mumkin. Moddalar almashinuvi kislotalarning paydo bo'lishi va bunday muhitda dissotsiatsiya jarayoni kuchayib vodorod ionlarining kontsentratsiyasining oshishi bilan davom etadi, ammo shunga qaramay sog'lom organizm ichki muhitning rN i kislotali tarafga siljimaydi. Bu evolyutsiya jarayonida organizmlar,ayniqsa insonda murakkab idora etuvchi tuzilmalar, mexanizmlar hamda omillarning vujudga kelganligi oqibati bo'lib, ularning faoliyati tufayli ichki muhit o'z barqarorligini ta'minlab turadi. O'pka kislota tabiatli karbonat angidridini muntazam chiqarib turishi, agar zarur bo'lsa qisqa muddatga uni o'zida ushlab turish qobiliyatiga ega. Agar organizmda H+ kon-tsentratsiyasi ko'paysa - giperventilyatsiya, kamaysa - gipoventilyatsiya kuchayadi. Buyrakning kislota-ishqoriy muvozanatini ta'minlash va boshqarishdagi roli nihoyatda katta va ko'pincha hal qiluvchi ahamiyatga ega. Buyrak kanalchalari vodorod va ammiak ionlarini ajratadi, yani sekretsiya (atsido- va aminogenez) qiladi, natriy hamda karbonat kislota tuzilma ionlarini qayta so'rish qobiliyatiga ega. Jigar esa nordon kislotali tuzilmalar - radikallarni bog'laydi,bazi bir noorganik kislotalarni suv va karbonat angidridgacha oksidlab o'tkazadi. Ammiak va ammoniy xloriddan karbonat kislota tuzilma ionlarini to'plab tashqariga ajratadi, bazi bir nordon va ishqoriy moddalarni o't ...