Har qanday fanni 3 bosqichda tez va oson o‘zlashtirish usuli

Kunlardan bir kun Feynman har qanday mavzuni boshqalarga qaraganda yaxshiroq o‘zlashtirishga yordam beradigan formulaga duch keldi. Bu formula keyinchalik Feynman usuli nomini oldi, u har qanday narsani chuqurroq va tezroq o‘rganishga yordam beradi. Feynman usuli har qanday sohada ish beradi va atigi uch bosqichdan iborat.

1. Buni bolaga o‘rgating
Toza qog‘oz va varoqni oling va nimani o‘rganmoqchi bo‘lsangiz shuni yozing. Bu mavzuga oid bilgan hamma ma’lumotlaringizni qog‘ozga tushiring. Ma’lumotlarni qo‘g‘ozga shunday tushuringki, xuddi bu ma’lumotlar bilan siz mavzuni bolaga o‘rgatayotganday bo‘ling. Sizning aqlli 20 yoshli do‘stingizga emas, sakkiz yoshli bolakayga o‘rgatayotganday. Agar mavzuni qog‘ozga xuddi bolaga o‘rgatayotganday oddiy so‘zlar bilan yozsangiz, o‘zingizga mavzuni yana-da chuqurroq tushunishga yordam bergan bo‘lasiz.

2. Takrorlash
Birinchi bosqichda siz muammolarni topdingiz: qaysidir ma’lumotni esdan chiqarganingiz yoki nimanidir tushuntirib berish sizga qiyinchilik tug‘dirgan bo‘lishi mumkin. Bu bilan siz bilimingizni chegarasini aniqladingiz. Aynan shu yerdan o‘rganish jarayoni boshlanadi. Endi siz muammoning kalitini bilasiz, ortga qaytib ma’lumotni qayta o‘qib chiqing va oddiy atamalar bilan tushuntira olmaguncha uni takrorlang.

3. Birlashtiring va soddalashtiring
Endi sizda bir nechta to‘ldirilgan qog‘oz varaqlari bor. Ularni qayta ko‘rib chiqing va professional atamalarni qo‘llamaganingizga ishonch hosil qiling. Endi ma’lumotlardan oddiy hikoya tuzing. Uni ovoz chiqarib o‘qib chiqing. Agar o‘qigan hikoyangiz sizga biroz g‘alatiroq va tushunarsizroq tuyulsa bu ortga qaytib ma’lumotlarni qayta ko‘rib chiqish kerakligidan dalolat beradi.

✔️ Ushbu usul har qanday sohani o‘rganayotganda foyda beradi. Hoziroq sinab ko‘ring.