Idealist o‘qituvchi

Eronning chekka qishlog‘idagi maktab o‘qituvchisi Ali Mohammadian, ba’zi o‘quvchilarining kasallik sababli sochlari to‘kilgan sinfdoshini masxara qilganini ko‘ribdi. O‘qituvchi u bolalarga tanbeh berib, jazolantirish o‘rniga o‘z sochlarini oldirib, kasallangan o‘quvchisini qo‘llashga qaror qilibdi.

“O‘quvchim Mahan sochlaridan ayrilgach, do‘stlaridan uzoqlashdi va doim xomush yuradigan bo‘ldi. Darslarga ham qiziqishi qolmadi. Birgina istagim, u bilan yaqin bo‘lib, darslarga e’tiborini qaytarish edi.”

Bundan ta’sirlangan maktabdagi 23 ta o‘quvchi ham, qish bo‘lishiga qaramay xuddi ustozi kabi sochlarini oldiribdi...

Agar har o‘qituvchi idealist bo‘lsa, ham nurayotgan binolarni, ham so‘nayotgan qalblarni qutqaradi!