Muammoga muammo bilan yechim berilmaydi
Muammoga muammo bilan yechim berilmaydi, siz bilgan “haqiqatlar” aslida nolishning o‘zginasi!
Bugungi yoshlar dabdabani yaxshi ko‘rishadi; tarbiyalari juda yomon, martabani mensishmaydi; kattalarga behurmatlik qilishadi va o‘qish o‘rniga bir-biri bilan vaysab o‘tirishadi...
Bu gaplarni salkam 2500 yil avval grek faylasufi Suqrot aytgan! Umuman olganda, hech bir davr yoshlardan qilingan shikoyatlarsiz o‘tmagan. Hammasini birlashtirib turadigan xususiyat shundaki, har birida yoshlarning dangasa, quloqsiz, tarbiyasiz, kiyinishda buzuq va gapirganda sapchiydigan bo‘lib ketayotgani haqida gap boradi.
Bundan ko‘rinib turibdiki bu kabi muammolar aynan siz yashab turgan davrga kelib kuchayib ketmagan, balki biroz ko‘rinishini o‘zgartirgan xolos.
Unda savol tug‘uladi, nima uchun boshqa davlatlarda bu kabi muammolar bo‘lsa ham barchasi binoyidek ketmoqda? O‘qituvchilar qanday qilib o‘quvchilarni darsga va fanga qiziqtira olishyabdi? Ular ham darsni yarmini o‘quvchilarni urushish va tarbiyaviy soat shaklida o‘tishyabdimi?
Xo‘sh, endi sizda qanday shikoyatlarga o‘rin qoldi? Hozirgi davrni ayblash oliy ma’lumotli jamiyatning elita qatlamiga yarashmaydi. To‘g‘rirog‘i bunday fikrlash uchun siz ikki asr oldin ham yashagan bo‘lishingiz kerak chunki solishtirma fikrlar taqqoslash orqali shakllanadi. Xo‘sh siz bu fikrni qaerdan oldingiz? Demak, bu muammolarga boshqa siz bilmaydigan yechimlar mavjud.
💡 Nima qilish kerak?
Yoshlar yosh bo‘lgani uchun ham kattalar tomonidan tashabbus ko‘rsatilishi, ularni tushunish uchun qadam qo‘yilishi kerak. Lekin bu ish shunday qilinishi kerakki, yoshlar yelkasiga bosim tushirmasin, ularning hali shakllanish jarayonidagi ruhiyatida keskin o‘zgarishlar bo‘lmasin.
