Qanday qilib sekin o‘rganuvchidan tezkor o‘rganuvchi bo‘lish mumkin?
Agarda siz faol o‘qituvchi bo‘lmasangiz, u holda siz yangi bilimlarni o‘zlashtirishga juda ko‘p vaqt sarflayabsiz. Bu esa samaradorlik koeffitsientini tushurib yuboradi. Keling, nima uchun sekin o‘rganuvchi bo‘lishning 4 ta sababini ko‘rib chiqamiz.
Fokus yetishmasligi o‘rganishni sekinlashtiradi.
Diqqatni bir yerga jamlash - o‘zlashtirish uchun kalit hisoblanadi. Agar siz o‘rganmoqchi bo‘lgan narsangizga to‘liq e’tibor bermasangiz, bu o‘rganishni qiyinlashtiradi va sekinlashtiradi.
Munosabatlarimiz o‘sishimizga ta’sir o‘tkazadi.
Bir paytlar Genri Ford aytganidek, "Bajara olaman deb o‘ylaysanmi yoki bajara olmayman deb o‘ylaysanmi, sen ikkisida ham haqsan". Ushbu gapdan ko‘rinib turibdiki, barcha chegaralarni o‘zimiz yaratamiz. Aslida chegaralar mavjud emas. Shuning uchun, yangi metod yoki ko‘nikmani o‘rganish menga emas degan gap, aslida yolg‘on.
Hammasi ham "silliq" kechmaydi.
Biz har doim yangi ko‘nikmalarni egallashni yoki yangi dars o‘tish metodini o‘rganishni istasak, biz o‘quv jarayoni muammosiz o‘tishini taxmin qilamiz. Ammo haqiqat shundan iboratki, o‘rganish ba’zan qiyinchiliklardan ham iborat bo‘ladi. Shuing uchun har bir holatga moslashuvchan bo‘ling.
Biz o‘rganib qolgan ko‘nikmalar o‘rganish tezligiga ta’sir qiladi.
Ushbu ko‘nikmalar asosan bir xil muhitda doimiy qolsak shakllanib qoladi, ya’ni siz har kungi bir xil vazifalardan zerikish va ishtiyoqsizlik sezib qolasiz. Keyinchalik yangi ko‘nikmalarni o‘zlashtirayotganingizda, ta’lim jarayoni haqidagi ixtiyoriy taxminingiz eski maktab darsini yodingizga solishi mumkin. Shuni inobatga olgan holda dastlabki taassurotlaringizni o‘zgartirib, yangi ko‘nikmalarni o‘zlashtirishga kirishing.
Ko‘pincha, odamlar tabiatan tez yoki sekin o‘rganuvchi bo‘lishmaydi. Gap ularning o‘rganish qobiliyatiga bog‘liq emas, balki ular ushbu imkoniyatlardan qanchalik samarali yoki samarasiz foydalanayotganliklariga bog‘liq. (Demak, qanday qilib sekin o‘rganuvchidan tezkor o‘rganuvchiga aylanish haqida bilib oldingiz. Endi esa uni amalyotda qo‘llab korishingiz qoldi.)
