Zamonaviy va kreativ pedagog bo‘lishning 3 siri

🔄 Moslashuvchan bo‘ling
Sinf - bu turli-tuman xarakterga ega o‘quvchilardan tashkil topgan dinamik muhitdir. Hech biri bir-biriga o‘xshamagan, turlicha bilimga, o‘zlashtirishga va xulq-atvorga ega hisoblanadi. Shuning uchun haqiqiy pedagog bo‘lmoqchi bo‘lsangiz Siz sinfga moslashing, ularni o‘zingizga, xarakteringizga moslashtirishga harakat qilmang. Har bir o‘quvchini e’tibordan chetda qoldirmang, darsni tushuntirayotganingizda ko‘z kontaktini barcha o‘quvchiga birdek qarating, baholash jarayonida xolis bo‘ling va raqobat muhitini yarating.

❌ Aslo qila ko‘rmang!
Endi esa dars jarayonida aslo qilish mumkin bo‘lmagan holatlarga to‘xtalamiz: "Maqtanish emasku, men sizlardek paytim unday qilardim", "Bir kuni u yerga borganimda bunday bo‘ldi, keyin men u ishni qildim, sizlar ham shunday bo‘lishingiz kerak" va hokazo. Yuqoridagi kabi o‘zingizni qo‘shib hikoya aytmang. Bu sinfda noqulay muhitni shakllantiradi. O‘quvchilarda sizga nisbatan hurmatsizlikni keltirib chiqaradi.

♻️ Faktni hayotga moslang.
Keling endi sizga hayotiy bir faktni keltiraman - "maktab darsliklarining 80% qismi hayotda umuman kerak bo‘lmaydi". Siz bu faktga qo‘shilasizmi? Xo‘sh, nima qilish kerak? Siz dars jarayonida mavzuni real hayotga moslashtiring. Fizika, kimyo qoidalarining hayotda qanday ishlashi, bizga qanday foydali jihatlari borligiga to‘xtaling, Ona tili darsida jamiyatdagi yozuv masalasi, turli shevalar va o‘zbek tilining ahamiyatiga to‘xtaling, tarix darsida tarixiy kino qo‘yib bering, zoologiya darsi uchun sinf jonli burchagi shakllantirib o‘quvchilarda jonivor va o‘simliklarga nisbatan muhabbatni shakllantiring va hokazo.